多蒙特「大」得起

　　多蒙特喺歐聯「死亡之組」連挫皇馬、阿積士等提早篤定首名出線，但今晚返到德甲造訪近5場主場全勝嘅緬恩斯，誰勝誰負真係未知數，好

　　多蒙特上場喺歐聯對阿積士4:1輕鬆獲勝，成場最精嘅，莫過於新兵馬高列奧斯同「肥仔嘜」馬里奧葛斯福至心靈嘅配合，呢對好兄弟齊齊支援當射手羅拔利雲度夫斯基組成「無敵三叉戟」，就連皇馬都要投降！呢3位僅20出頭嘅小將喺聯賽夾埋已經攻入16球，加上擅長喺右邊高速爆破嘅巴拉斯塞高斯基，佢上仗後備落場顯示久休後狀態已經回復，緬恩斯主場幾硬淨都好，睇怕都要失番1、2球喇！

　　緬恩斯喺主場獲得5連勝兼且只失1球，成績的確係好，但對陣嘅都只係杜塞爾多夫、奧格斯堡呢啲中下游分子，今場對多蒙特可謂球季嘅首個真正考驗！好緬恩斯同樣有勁弗嘅施沙拉爾及艾雲舒捷斯拍住攻堅，今場就靠晒呢2位近6場夾手夾腳入7球嘅猛將同「蜜蜂三叉戟」死過喇！